جوج نصائح لي دير بيهم في السفر

جوج نصائح لي دير  بيهم في السفر

السلام عليكم متابعينا الكرام اليوم غادي نقدم ليكم جوج نصائح لي دير  بيهم في السفر ديالك الأولى هي نظف الصاك كوشاج ديالك را النظافة من الإيمان، الثانية هي تفادى الصداع مع السلطات الأمنية تبع معايا نقول ليك كيفاش :

 تفادي الإحتكاك مع السلطات أثناء التخييم في البرية.

كيفاش يمكن لي نحمي راسي من المضايقات والإحتكاكات مع السلطات المحلية (المقدم، الشيخ، القائد...) أثناء القيام بالرحلات ديالي للمناطق النائية.

الكل كيعرف بلي قواعد التخييم في المغرب عرفت تغيرات وتطبيقات صارمة. في أغلب الأحيان كتكون هذا القوانين في صالح الرحالة. ولكن في بعض الأحيان كيكون فيها نوع من المبالغة من طرف المقيمين على تطبيقها...

أغلب الرحالة كيغفلوا على واحد المسألة مهمة من الحقوق ديالي وديالك عزيزي القارئ الي هي: أنه يمكن ليك تكتب واحد الإخبار المضمون ديالو هو الرحلة الي هذي تقوم بها وتذكر فيه المناطق الي هذي تزور بالترتيب الوقت الي هذي تكون فهاذ المناطق.

هذا الطلب كتكتبوا وتحطوا فمكتب الضبط فالعمالة ويكون الى السيد العامل، ضروري يكون قبل تلاتة أيام من التوجه الى الرحلة ديالك وكتسلم عليه واحد الورقة ديال إيداع هذا الطلب هذا الأخير كيخصك تعمل ليه نسخ وتاخدو معاك فالرحلة ديالك وتدلي بيه عنظ الحاجة .

الفوائد ديال هذا الإخبار عزيزي الرحالة هو أنه الجهات الي حطيتوا ليهم هذا الإخبار كيقوموا بأنفسهم بإخبار السلطات المحلية ديال المناطق الي قلتي ليهم هذي تزور فهاذ الحالة كتجنب الإحتكاك مع السلطات (المقدم فهاذ الحالة ميقدرش يجي عندك يقول ليك معندكش الحق تخيم فهاذ المكان...)
الفائذة التانية والمهمة جدا هي فحالة وقوع مشكل او حادتة لا قدر الله فالسلطات المحلية كيكون عندهم خبر بالتواجد ديالك فالمنطقة الأمر الذي يسهل عليهم التدخل.

كيفاش تغسل الصاك كوشاج ديالك بالطريقة الصحيحة

المواد المطلوبة :

• حوض الاستحمام
• صابون خاص : يمكن تلقاه فأي سوبر ماركت . تقدر تسول مول المصبنة يعطيك الأسماء الماركات ديال الصابون الخاص بغسل الملابس لي المصنوعة من الريش

خطوات :

1. ملأ حوض الاستحمام بالماء الفاتر. قلب الصاك باش يولي الداخل ديالو هو الخارج وسد ليه السنسلة.

2. كتصاوب مزيج من الصابون وفقا للتعليمات لي كينين فالزجاجة ، أغلبية هاد التعليمات كينصحو ب 100 مل من الصابون. ومتستخدمش مواد التبييض، بدائل التبييض أو المنقي للنسيج. أيضا، كيخصك تجنب استخدام المنظفات العادية لأنها كتسبب فتجريد الزيوت الطبيعية من الصاك الخاص بك.

3. بعد متصاوب المزيج ديال الصابون دير الصاك وسط حوض الاستحمام وبدا بالالتنظيف لكن بعناية عكس كيف كنغسلو الملابس. وكيساعد هذا الصابون فسهولة الوصول للنسيج وتنظيف الريش.

4. خلي الصاك فالحوض لينقع لمدة ساعة واحدة.

5. خوي الحوض من الصابون وعاود عمرو غي بالماء فقط. كتعصرو بلطف، وهاذ المرة بهدف استخراج الصابون المتبقي داخل الصاك. تجنب أي حركة بحال الفرك أو الضغط .

6. كرر الخطوة 5 بقدر الضرورة. تقدر تضطر لاستنزاف وملء الحوض عدة مرات قبل مايخرج الصابون بالكامل.

7. التجفيف عن طريق وضعه على سطح نظيف، مثل العشب أو منشفة . تحت أشعة الشمس أو الظل الجزئي للحصول على أفضل النتائج. أو الا كان عندك مجفف فالمنزل، يمكن تستعملو بشرط ماخاصش الآلة يكونو فيها أي زعانف لأنهم يقدرو يتسببو فالتمزيق , وتجنب تنشف الصاك مع أي نوع آخر من الملابس .

8. وبعد الانتهاء من التجفيف، غتحتاج لتفريق الريش يدويا. باش تفكك الكتل لي كتكون بعد التصبين باش تعاود تنتاشر فالصاك ، أوعن طريق النفش بلطف بحال أي وسادة الريش.

بهاد الخطوات كاملة كتضمن الحفاظ على الجودة و كتجنب التلف وفنفس الوقت كتحافظ على جيبك من الخسران.

جوج نصائح لي دير  بيهم في السفر